Georgia - Country With Great Culture...

"ერთი დღე ლონდონში" "One Day In London"

პროექტის სახელწოდება;	“ერთი დღე ლონდონში” “One Day in London”
პროექტის მთავარი იდეა (თემა) 1-2 წინადადებით;	პროექტის  ფარგლებში ბავშვები გაეცნობიან  ლონდონური ცხოვრებისათვის დამახასიათებელ ძირითად თავისებურებებსა და წესებს; შესაძლებლობა ექნებათ თავად გახდნენ რამოდენიმე წუთით ლონდონელი, სხვადასხვა ფენის წარმომადგენელი მოქალაქეები, შეასრულონ და გაითავისონ აღნიშნული წესები;
პროექტის აქტუალობა;	პროექტის აქტუალობა განპირობებულია იმით, რომ ბავშვებს, უმეტეს შემთხვევაში, მიუხედავად იმისა, რომ დიდი გულმოდგინებით სწავლობენ ინგლისურს, წარმოდგენა არ აქვთ ინგლისელი ხალხის ტრადიციებზე, ცხოვრების სტილზე, სამოსზე და სამზარეულოზე;
პროექტის მიზნები;	პროექტის მიზანია, რომ ბავშვებმა შეიძინონ ცოდნა ინგლისური ცხოვრების ტრადიციების და თავისებურებების შესახებ; ბავშვები შეიძენენ ზოგად ცოდნას მათთვის სასურველი საკითხების შესახებ; განივითარებენ ისეთ უნარებს, როგორიცაა ჯგუფური მუშაობა, გუნდურობა; ასევე, გადაწყვეტილების მიღების, მსჯელობის, დასკვნების გაკეთების, კრეატიული აზროვნების, წარმოსახვის და ფუნქციური აზროვნების უნარებს;
მონაწილეთა ასაკი;	12
ვადები/ხანგრძლივობა;	1 თვე
მოსალოდნელი შედეგები/პროდუქტები, რაც შეიძლება შეიქმნას;	ბავშვები გაითავისებენ სხვადასხვა წესებსა და ტრადიციებს; თავად დაამზადებენ ინგლისურ კერძებსა და ჩაის ინგლისური ეტიკეტის ნორმების დაცვით; თავად დაამზადებენ ლონდონურ სამოსს და მოახდენენ ლონდონური ჩაცმულობის პრეზენტაციას;
პროექტისათვის საჭირო ძირითადი რესურსები;	ინტერნეტი; პროექტორი; სახელმძღვანელო; ტანსაცმელი; პროდუქტი;
პროექტის მსვლელობა (ძირითადი აქტივობები);	ბავშვები იძიებენ ინფორმაციას ინგლისური ჩაცმულობის, კერძებისა და ტრადიციების შესახებ; მასწავლებელთან ერთად განიხილავენ ინფორმაციას და აჯამაბენ რა იქნება მათთვის მნიშვნელოვანი და გამოსაყენებელი პროექტში; რაზე გააკეთებენ ძირითად აქცენტებს; ბავშვები მონაწილეობას იღებენ როლებისა და მოვალეობების გადანაწილებაში; სურვილისამებრ და რათქმაუნდა მასწავლებელთან ერთად განიხილავენ თუ ვინ რას შეასრულებს; ნაწილი ინგლისურ სამოსზე გააკეთებს აქცენტს, ნაწილი სამზარეულოზე და ასევე ტრადიციებზე; ბავშვები ჯგუფებში იძიებენ შესამაბის რესურსებს; მასწავლებელი ეხმარება რესურსების მოძიებაში; მეორე შეხვდერაზე განიხილავენ სხვადასხვა ტანსაცმლის, კერძის, სასმელისა და ზოგადად ტრადიციების თავისებურებებს; არჩევენ მათთვის საპრეზენტაციოდ სასურველ თემას და განიხილავენ მომზადების პროცედურებს; შემაჯამებელი შეხვედრა; მასწავლებელი ჯერ თითოეულ ჯგუფთან განიხილავს მუშაობის შედეგს, შემდეგ კი აერთიანებენ და განიხილავენ მთლიანობაში; ბუნებაში აწყობენ ინგლისური აივნის იმიტაციას და წარმოადგენენ ტიპიურ ინგლისურ ოჯახს; ახდენენ მოპოვებული და დამუშავებული მასალის რეალიზებას; პროექტის შეჯამება; მოეწყობა პროექტის განხილვა/დისკუსია;
საგნებთან/საგნობრივ ჯგუფებთან/ეროვნულ სასწავლო გეგმასთან კავშირი;	კავშირი ისტორიასთან, მუსიკასთან და მხატვრობასთან;
პროექტის ხელმძღვანელი (მასწავლებელი);	ლალი ამბროლაძე
ხელმძღვანელის ელ.ფოსტა;	lali.ambroladze@gmail.com
პროექტის ვებ-გვერდი/ბლოგი;	http://ambroladzelali.blogspot.com/

წითელქუდა! Red Riding Hood!

გაკვეთილის გეგმა

გაკვეთილის მთავარი თემა	“Red Riding Hood” წითელქუდა
სწავლების საფეხური	საბაზო საფეხური, III კლასი
მოსწავლეთა პროფილი	12 მოსწავლე
გაკვეთილის მნიშვნელობა/აქტუალობა	მოსწავლე შეძლებს წაკითხული ტექსტის აღქმას, გააზრებასა და მის ნასწავლ მასალასთან დაკავშირებას;
გაკვეთილის მიზნები და შედეგები	მოსწავლე შეძლებს ნასწავლი ლექსიკური მასალის ახსნილ მასალასთან დაკავშირებას; მოსწავლე შეძლებს სურათების აღწერას უკვე ათვისებული და ახალი ლექსიკური მარაგის გამოყენებით; მოსწავლე შეძლებს ტექსტის გააზრებასა და ძირითადი შინაარსის გამოტანას; მოსწავლე შეძლებს ნასწავლი ზედსართავი სახელების დახარისხებას პერსონაჟების პიროვნული თვისებებისა და გარეგნობის გათვალისწინებით;
წინასწარი ცოდნა	მოსწავლეებმა იციან ის ლექსიკური მასალა, რომელიც გვხვდება “Red Riding Hood”-ში და წინასწარ მიცემული აქვთ ზედსართავი სახელების ჩამონათვალი, რომლებიც ექნებათ ნასწავლი;
შეფასების საგანი და პროცედურები	მოსწავლეები შეფასდებიან წინასწარ შემუშავებული რუბრიკების საშუალებით;
სასწავლო მასალა და ტექნიკური რესურსები	წიგნი, სამუშაო რვეული, დაფა, პროექტორი, კომპიუტერი, სლაიდები, სტიკერები, ფლეშქარდები და სურათები;
გაკვეთილის მსვლელობა/საკლასო მენეჯმენტი	A ფაზა კლასის ორგანიზება; მასწავლებელი ახდენს ნასწავლი მასალის, სიტყვების გონებრივი იერიშის საშუალებით გამოკითხვას; ბავშვები დაფაზე გამოდიან და ჩამოთვლილი ახალი სიტყვებიდან არჩევენ იმ სიტყვებს, რომლებიც მათი აზრით შეხვდებათ ასახსნელ ტექსტში; მასწავლებელი აჯამებს აღნიშნულ სავარჯიშოს; B ფაზა 3-4 კაციან ჯგუფებში ბავშვებს დაურიგდებათ წინასწარ ამობეჭდილი მონაკვეთები ტექსტიდან და ახდენენ ჯგუფებში ტექსტის წაკითხვასა და გააზრებას; ჯგუფიდან ერთი რამდენიმე წინადადებით (5-7) აკეთებენ წაკითხული ტექსტის პრეზენტაციას; ერთობლივად უსმენენ და უყურებენ ზღაპარს; მონაწილეობენ ტექსტის მოსალოდნელ განვითარებასა და პერსონაჟებზე; ბავშვებს ურიგდებათ ზედსართავი სახელები და წყვილებში აჯგუფებენ თუ რომელ პერსონაჟს შეესაბამება ესა თუ ის ზედსართავი სახელი, გამოვლენ დაფასთან და პერსონაჟების სურათებზე აკრავენ სიტყვებს; C ფაზა მოსწავლეები შეფასდებიან წინასწარ შემუშავებული შეფასების რუბრიკის მიხედვით; მიიღებენ შესაბამის სტიკერებს; შეაფასებენ ერთმანეთს და სურვილისამებს შეავსებენ დაფაზე გაკრულ შეფასების ცხრილს; მიეცემათ დავალება;